Nesta ocasión, a imaxe que representará a mostra nace do talento novo e comprometido do alumnado do Bacharelato de Artes do IES Monte Castelo, que volveu demostrar a súa capacidade para converter a arte nunha poderosa ferramenta de comunicación.
Desde a organización queremos expresar o noso agradecemento a todo o alumnado participante pola súa implicación neste proxecto, e moi especialmente a Martín Barcia Álvarez, autor do deseño escollido, por crear unha obra que simboliza á perfección a esencia desta exposición: creatividade, colaboración e identidade compartida.
O cartel, ademais de anunciar a cita cultural, convértese xa nun símbolo do espírito da Microrrede: un espazo de encontro entre centros, ideas e expresión artística.
A Mariña prepárase así para unha exposición que promete celebrar o poder das bibliotecas escolares como motores de creación, unión e comunidade entorno ao deseño.
