CEP LOIS TOBÍO (Viveiro)
CEIP de CELEIRO (Celeiro-Viveiro)
CEIP Plurilingüe de COVAS (Covas-Viveiro)
CEIP de CERVO (Cervo)
CEIP FONDO-NOIS (Foz)
IES ILLA de SARÓN (Xove)
IES MONTE CASTELO (Burela)
MICRORREDE A MARIÑA. Proxecto Colaborativo das Bibliotecas Escolares da Mariña
28/4/21
15/4/21
Encontros PLAMBE 2020-2021
22/12/20
Recomendacións lectoras para este Nadal
As Bibliotecas Escolares que formamos a MICRORREDE recomendamos:
16/12/20
Colaboracións entre colexios
Encontro Literario con MARÍA ROLLE
Na mañá do martes 15 de decembro, o alumnado de 4º de Primaria do CEIP de Celeiro, tivo un Encontro Literario con MARÍA ROLLE, autora do libro "Esta non é outra historia de piratas" e coordinadora da Biblioteca do CEIP Plurilingüe de Covas.
Foi unha sesión moi divertida:
- Visualizaron un vídeo de presentación.
- Fixéronlle moitas preguntas sobre o libro.
- As nenas e nenos entregaron a María un libro feito cos debuxos de cada capítulo do libro.
- Fixeron un xogo especial sobre o coñecemento do libro: "PASAPIRATA".
- Rematamos este encontro cunha asinatura de libros.
20/11/20
Encontro Bibliotecas Escolares de Galicia 2020 na rede
Os días 19, 20 e 21 de novembro van ter lugar os
ENCONTRO DE BIBLIOTECAS ESCOLARES DE GALICIA 2020 na rede
“A Biblioteca Escolar diante dos retos do 2020"
Inés Dussel · Profesora investigadora do Departamento de Investigacións educativas do CINVESTAV-IPN. México
“Que sabemos sobre a lectura en 2020? Como a pensamos desde a BE?”
Gemma Lluch · Profesora e investigadora na Universitat de València. (Facultat de Filologia, Traducció i Comunicació)
“As Bibliotecas Escolares de Galicia 2005-2020. Principais achegas e retos para os anos 20 do século XXI”
- Inés Miret · Consultora especializada en proxectos dixitais de lectura, libro e bibliotecas.
- Mónica Baró · Doutora en Documentación. Profesora na Facultat d'Informació i Mitjans Audiovisuals. Universitat de Barcelona. Investigadora no ámbito da LIX e das bibliotecas escolares.
“Se non podo bailar, esta non é a miña biblioteca”
- Javier P. Iglesias · Bibliotecario. Facultad de Bellas Artes. Universidad Complutense de Madrid
9/11/20
1ª reunión do curso 20-21
O xoves, 5 de novembro, 6 centros da MICRORREDE A MARIÑA (as coordinadoras dos demais centros tiñan cursos ou outras ocupacións), conectáronse vía videoconferencia para realizar unha reunión de comezo do curso e que cremos foi moi produtiva dadas as circunstancias tan especiais que estamos a vivir pola COVID-19.
Non queremos que esta pandemia nos achante e seguiremos coa ilusión de sempre traballando porque a MICRORREDE debe continuar (The show must go on!) en prol da lectura.
Acordos tomados:
O título da proposta da Asesoría de Bibliotecas Escolares, XEOGRAFÍAS LECTORAS, vennos moi ben porque cada centro ubícase nun sitio distinto da Mariña, coas súas características ben diferenciadas e cada un cunha proposta distinta relacionada coa lectura.
Cada centro dentro do seu proxecto poderia compartir o produto ou a evolución dese proxecto cos demais (por exemplo nos centros de Galdo e Lois Tobío o proxecto está relacionado co Camiño do Mar, no de Covas sobre a alimentación saudable...)
Proponse por exemplo facer un collage coas lecturas deste curso empregando algunha aplicación tipo genial.ly, facer liñas do tempo, videos, presentacións, audios, cancións...(o formato empregado é libre en cada centro educativo).
Produtos finais:
Exposición virtual : unha presentación dos proxectos nos que traballamos durante o curso para compartir cos outros coles, para aprender uns doutros, que os nenos e nenas vexan as actividades doutros centros e visibilizar o traballo que facemos que é moito.
Medio empregado: videoconferencias entre centros. Hai que aclarar que non poderemos facer as exposicións en común con todos os outros centros porque sería inviable polo tempo pero si organizar grupos de dous ou tres centros.
Elaboraríamos unha tabla cos horarios para apuntarse os diferentes centros nos que nos apuntaríamos explicando brevemente o proxecto no que traballamos.
Propuxemos facer un proxecto musical tamén (unha canción entre tod@s), versionar algún tema ou facer un propio.
6/11/20
A MICRORREDE COMEZA O NOVO CURSO 20-21
Comezamos un novo curso marcado pola crise da COVID-19. Un novo reto para as Bibliotecas Escolares que formamos a MICRORREDE "A MARIÑA" e que esperamos volver a superar!
COMPARTINDO NA MICRORREDE: T-LEMOS
(BLOG DE LIBRÍNSANROQUE)
- EEI San Roque de Viveiro
- CEIP de Cervo
comezaron a compartir experiencias, cantigas, contos,...na actividade que leva por nome:
T-LEMOS
Ambos coles agasalláronse cunhas cantigas do outono.
Foi un encontro en streaming moi gratificante!
11/6/20
Recomendacións lectoras para o verán 2020
Non puidemos levar a cabo a exposición conxunta deste ano:
"Cidadá(n)s da Mariña, Cidadá(n)s do mundo"
pero agardamos facelo contando novamente coa colaboración e apoio de todas as familias no vindeiro maio 2021.
O curso que estamos a rematar foi moi diferente e aínda continuamos con moitas incertidumbres de como afrontar o vindeiro, pero agora necesitamos as vacacións de verán e por iso, para poder seguir estando en contacto con toda a comunidade educativa, as bibliotecas escolares que formamos parte da MICRORREDE "A MARIÑA",
realizamos dous booktubers con recomendacións lectoras para este verán: un para Infantil e Primaria e outro de lecturas para máis maiores.
INFANTIL E PRIMARIA
LECTORES AVANZADOS
22/4/20
A Microrrede A Mariña, este curso, #QuedaNaCasa
En reunión virtual, a través dos medios tecnolóxicos, tod@s os membros da Microrrede A Mariña tivemos que tomar a decisión máis "dolorosa" dos nove anos de vida deste proxecto colaborativo que forman as Bibliotecas Escolares de:
EEI SAN ROQUE (Viveiro)
CEP LOIS TOBÍO (Viveiro)
CEIP de CELEIRO (Celeiro-Viveiro)
CEIP Plurilingüe de COVAS (Covas-Viveiro)
CEIP Plurilingüe SANTA RITA (Galdo-Viveiro)
CEIP de CERVO (Cervo)
CEIP Plurilingüe VISTA ALEGRE (Burela)
CEIP Plurilingüe VISTA ALEGRE (Burela)
CEIP FONDO-NOIS (Foz)
IES MARÍA SARMIENTO (Viveiro)
IES VILAR PONTE (Viveiro)
IES PERDOURO (Burela)
IES ILLA de SARÓN (Xove)
IES PERDOURO (Burela)
IES ILLA de SARÓN (Xove)
IES MONTE CASTELO (Burela)
Escola Oficial de Idiomas de RIBADEO
Suspender o noveno proxecto: "Cidadá(n)s da Mariña, Cidadá(n)s do mundo"
e aprazalo para o vindeiro curso, dadas as circunstancias por mor do COVID-19.
Por estas datas, coa chegada da conmemoración do Día do Libro, todos os centros abrirían ás súas respectivas comunidades educativas as diferentes exposicións e traballos para logo no mes de maio confluír nunha gran exposición conxunta nas salas do Concello de Viveiro.
Todo estaba preparado, pero... como xa dixemos, este encontro terá lugar dentro dun ano. Non obstante nestes momentos quixemos realizar unha actividade especial:
- Editar un vídeo onde:
- as diferentes bibliotecas saúdan a todas as comunidades educativas
- facemos un repaso das aito edicións anteriores
24/1/20
2ª reunión d@s compoñentes da MICRORREDE A MARIÑA
Na tarde do xoves, 23 de xaneiro, na EEI San Roque de Viveiro, reunímonos novamente acompañados pola Asesora das Bibliotecas Escolares de Galicia, Chelo Gundín, para concretar todos os temas relacionados coa novena convocatoria da EXPOSICIÓN DA MICRORREDE A MARIÑA.
- O títula da mesma será:
"Cidadá(n)s da Mariña, Cidadá(n)s do mundo"
- Os días: Do 11 ao 14 de maio
- Salas: Multiusos do Concello de Viveiro e Sala Exposicións da Biblioteca Municipal e outras actividades no Teatro Pastor Díaz.
- Como actividades dinamizadoras contaremos con autores recoñecidos, contacontos, Música a través do Conservatorio de Música, Teatro de Asociacións Locais, Música Galega e moi probablemente a Radio na Biblio estará tamén presente.
- Tamén se concretaron os diferentes temas e traballos a presentar por cada centro. A variedade dos mesmos está garantida e a súa presentación seguro que tamén vai gustar moito.
Nas xornadas que terán lugar en Santiago, os días 12 e 13 de marzo, teremos outra posta en común. Ilusión non nos falta!
27/10/19
Comezamos o proxecto para o curso 2019-2020
As coordinadoras das diferentes Bibliotecas que formamos esta MICRORREDE reunímonos o xoves, 24 de outubro na EEI San Roque de Viveiro para tratar os seguintes puntos da orde do día:- Avaliación do proxecto "A Poesía que sentimos. Tomamas nota dalgún aspecto a modificar e mellorar pero en xeral quedamos moi satisfeitas do bo resultado do proxecto.
- Datas para o noveno proxecto: Do 11 ao 14 de maio.
- Lugar das exposicións: Sala da Biblioteca y Multiusos do Concello. O Teatro Pastor Díaz para actos e actividades dinamizadoras.
- Tema: recollendo a proposta da Asesoría de Bibliotecas Escolares de Galicia (Biblioteca Escolar, viveiro de cidadanía)
"CIDADÁNS DA MARIÑA, CIDADÁNS DO MUNDO".
- Posta en común de diferentes actividades dinamizadoras
- Cada centro escollerá o formato para a presentación dos traballos que terá relación coa igualdade, inclusión, diversidade, valores, dereitos dos cidadáns...
- Como xa temos por costume na dinámica de traballo, fixemos unha asignación de tarefas tales como a petición de Salas e Teatro, falar con diferentes persoeiros para as actividades dinamizadoras, contactar novamente co Centro Comercial Casco Histórico, co Conservatorio de Música; co IES Monte Castelo para o deseño do cartel, co Concello de Xove para a súa impresión...
- Seguimos contando coa Asesoría de Bibliotecas Escolares a través da asesora Chelo Gundín quen nos acompañará en vindeiras reunións.
Rematada a reunión, as coordinadoras trasladaremos os acordos aos diferentes claustros e así poñeremos en marcha o noveno proxecto da MICRORREDE A MARIÑA que esperamos sexa moi satisfactorio para todas as Comunidades Educativas. BO COMEZO!!!
9/6/19
CLAUSURA DA EXPOSICIÓN "A poesía que sentimos"
Na tarde do xoves, 6 de xuño, demos por finalizada a exposición deste curso.
No acto de clausura dirixido por Karina Parga, coordinadora da Biblioteca do IES Perdouro, houbo moitas intervencións:
- As regueifas co alumno Cristian Gómez
- Discurso de clausura con Pilar e Irma, coordinadoras do CEP Lois Tobío e IES Vilar Ponte.
- Actuación especial de David Catá e Juan Cabalar.
- Lectura dun manifesta a cargo de Alba Geada.
- Presentación especial do libro "Esta non é outra historia de piratas" de María Rolle e Mari Pernas.
6/6/19
A MICRORREDE NA PÁXINA DA CONSELLERÍA DE EDUCACIÓN
Bibliotecas de 16 centros educativos da Mariña reflexionan arredor da poesía
Mar, 04/06/2019
A
conselleira de Educación, Universidade e Formación Profesional, Carmen
Pomar, participou esta tarde na inauguración das xornadas A Poesía que sentimos,
coas que a Microrrede A Mariña –composta polas bibliotecas escolares de
16 centros educativos da zona– reflexionan arredor da poesía. As
actividades son froito dun proxecto colaborativo realizado entre todas
elas tomando como base o lema proposto pola Consellería para este curso
2018/19, Poéticas diversas na biblioteca escolar.
Durante a súa intervención a conselleira salientou o papel das
bibliotecas escolares como motores de innovación nos centros educativos.
“Nelas é onde primeiro se van adaptando as tendencias en aprendizaxe
participativo, con enfoques acordes ás formas de acceder á información e
de construír o propio coñecemento”, dixo. Así mesmo destacou a súa
importancia na adquisición das competencias básicas do alumnado, ao
funcionar como “centros de recursos para a lectura, a información e a
aprendizaxe, que axudan á consecución dos obxectivos educativos”.
Carmen Pomar explicou que se está a avanzar con firmeza cara a un
modelo de biblioteca inclusiva, “que responda, de xeito real, ás
necesidades de todo o alumnado e que enfronte os retos que a diversidade
presenta”. “As experiencias que se están a levar a cabo na Microrrede
son un moi bo exemplo deste papel, así como do compromiso das
comunidades educativas coa formación dos máis novos”, sinalou,
felicitando a docentes, alumnado e familias implicadas polo traballo
realizado.
As xornadas A Poesía que sentimos desenvolveranse os días 4,
5 e 6 de xuño en Viveiro. Tras a inauguración desta tarde celebrouse un
recital poético a cargo das nenas e nenos da EEI San Roque, así como
dúas actuacións do Conservatorio de Música de Viveiro. A xornada
inaugural contará tamén cun recital poético do creador de historias
Antón Cortizas e coa intervención artística da asociación Tá en Artes,
que pintará en directo na rúa trasladando as palabras poéticas ao debuxo
para espertar emocións.
O mércores será a quenda do teatro, cunha obra contra o acoso escolar
da agrupación teatral da Asociación de Axuda ao Enfermo Mental A
mariña, Es único: teatro contra o bullying. O xoves pecharanse as actividades cun concerto audiovisual a cargo de David Catá e Juan Cabalar e coa presentación do libro Esta non é outra historia de piratas, da mestra e escritora María Rollé.
As xornadas complétanse cunha exposición de traballos elaborados polo
alumnado dos centros educativos que compoñen a Microrrede A Mariña, que
se pode visitar no salón multiusos do Concello de Viveiro. Ademais, o
Centro Comercial Histórico difundirá a poesía oral en voz das nenas e
nenos por megafonía nas rúas do casco histórico e os establecementos da
zona exporán tamén a poesía manuscrita feita polo alumnado.
Na Microrrede A Mariña participan as biblioteca escolares da EEI San
Roque (Viveiro), do CEP Lois Tobío (Viveiro), do CEIP de Celeiro
(Viveiro), do CEIP Plurilingüe de Covas (Viveiro), do CEIP Plurilingüe
Santa Rita (Viveiro), do CEIP Plurilingüe Pedro Caselles Rollán (Xove),
do CEIP de Cervo (Cervo), do CEIP Plurilingüe Vista Alegre (Burela), do
CEIP Castro de Ouro (Alfoz), do CEIP Fondo-Nois (Foz), do IES María
Sarmiento (Viveiro), do IES Vilar Ponte (Viveiro), do IES Perdouro
(Burela), do IES Monte Castelo (Burela), do IES Illa de Sarón (Xove) e
da Escola Oficial de Idiomas de Ribadeo
Poéticas diversas
A consigna escollida este curso desde a Consellería, Poéticas diversas na biblioteca escolar,
apunta cara a biblioteca escolar, os seus recursos e posibilidades como
un lugar privilexiado para estimular o descubrimento da poesía, que se
atopa en todos os lugares: nas paisaxes, na música, no cine, na palabra
dos poetas, na tradición oral ou no último descubrimento científico. Poéticas Diversas
convida a asolagar as aulas de poesía, a coñecer a excelente e variada
creación poética galega destinada a todas as idades e a que o alumnado
descubra a tradición lírica da nosa Comunidade.
5/6/19
2ª Xornada da Exposición "A poesía que sentimos"
Xornada do mércores, 5 de xuño, coa representación teatral:
"Es único: teatro contra o bullying".
Obra contra o acoso da agrupación teatral da Asociación de Axuda ao Enfermo Mental A Mariña.
Dende a Microrrede
A MARIÑA queremos agradecer a colaboración da Asociación co noso proxecto e especialmente aos participantes na representación teatral.
MOITÍSIMAS GRACIAS!!!
INAUGURACIÓN DA EXPOSICIÓN
Na tarde o martes, 4 de xuño de 2019, no Teatro Pastor Díaz de Viveiro, tivo lugar a xornada de Inauguración guiada pola mestra de ceremorias Karina Parga, coordinadora da Biblioteca do IES Perdouro de Burela.
No acto interviron a Asesora de Bibliotecas Escolares, María Consuelo Gundín Rey; a Coordinadora dos EDLG, Pilar Teijeiro Díaz; a Alcaldesa de Viveiro, María Loureiro García e a Conselleira de Educación, Carmen Tomar Tojo.
Tamén nos acompañaron o Director Xeral de Centros e Recursos Humanos, José Manuel Pinal Rodríguez; a xefa territorial de Educación en Lugo, María del Carmen Gueimunde González; os inspectores, Branca Nazaré Guerreiro Múnoz e Faustino Martín González,
Asemade tamén contamos cos protagonistas destas xornadas, os nenos e nenas de todas as idades así como as súas familias: Rosana Fraga Paz, nai do CEIP de Alfoz; en representación do alumnado, Diana Goás Rego e Andrés Fernández Sospedra do IES María Sarmiento e Ana López Trasancos, da Escola Infantil San Roque de Viveiro.
A parte literaria estivo a cargo de Antón Cortizas, mestre e figura de referencia da literatura galega. Este creador de historias e fantasías tomou a palabra para convertela en poesía.
Na parte musical contamos co grupo de gaitas Amigos do fol e co grupo de metais Petit band, Conservatorio Profesional de Música de Viveiro.
Queremos agradecer a todos os participantes no acto inaugural a súa inestimable asistencia e colaboración. MOITAS GRACIAS!!!
No acto interviron a Asesora de Bibliotecas Escolares, María Consuelo Gundín Rey; a Coordinadora dos EDLG, Pilar Teijeiro Díaz; a Alcaldesa de Viveiro, María Loureiro García e a Conselleira de Educación, Carmen Tomar Tojo.
Tamén nos acompañaron o Director Xeral de Centros e Recursos Humanos, José Manuel Pinal Rodríguez; a xefa territorial de Educación en Lugo, María del Carmen Gueimunde González; os inspectores, Branca Nazaré Guerreiro Múnoz e Faustino Martín González,
Asemade tamén contamos cos protagonistas destas xornadas, os nenos e nenas de todas as idades así como as súas familias: Rosana Fraga Paz, nai do CEIP de Alfoz; en representación do alumnado, Diana Goás Rego e Andrés Fernández Sospedra do IES María Sarmiento e Ana López Trasancos, da Escola Infantil San Roque de Viveiro.
A parte literaria estivo a cargo de Antón Cortizas, mestre e figura de referencia da literatura galega. Este creador de historias e fantasías tomou a palabra para convertela en poesía.
Na parte musical contamos co grupo de gaitas Amigos do fol e co grupo de metais Petit band, Conservatorio Profesional de Música de Viveiro.
Queremos agradecer a todos os participantes no acto inaugural a súa inestimable asistencia e colaboración. MOITAS GRACIAS!!!
A continuación podemos ler a escaleta do acto:
Tamén podemos ver un resumo do mesmo en imaxes:
Así o reflexou a prensa
4/6/19
MONTAXE DA EXPOSICIÓN "A POESÍA QUE SENTIMOS"
Na tarde do luns, 3 de xuño, os equipos dos diferentes centros que
formamos a MICRORREDE PLAMBE A MARIÑA, realizamos a montaxe da
exposición deste curso:
Este ano volvemos a contar coa colaboración do Concello de Viveiro pois
nos ceden a Sala Multiusos e a Sala de Exposicións da Biblioteca
Municipal. Tamén colaboran con nós o Centro Comercial Casco Histórico, o Conservatorio de Música, o IES Monte Castelo, o Concello de Xove.
Na
tarde do martes, 5 de xuño, faremos a inauguración con moitas e variadas actividades: música, poesía... coa asistencia de autoridades e todo o profesorado dos centros.Dado que é moi probable que teñamos mal tempo, o acto de inauguración trasládase ao Teatro Pastor Díaz de Viveiro.
A exposición estará aberta en horario de 18:00 a 20:00 horas para o
público en xeral; tamén haberá horarios especiais para aqueles colexios e
colectivos que o soliciten.
29/5/19
3/5/19
Reunión de traballo
Seguindo a Orde do Día tratáronse e ultimáronse os seguintes temas:
- Elección do Cartel anunciador da convocatoria deste curso "A Poesía que sentimos".
Este ano convocouse un concurso a través do alumnado de Artes do IES Monte Castelo e no que participaron uns 10 alumnos e alumnas. Os traballos presentados son de moi boa calidade artística e foi moi difícil a elección do gañador. NORABOA!!! a todos os participantes e ao IES polo seu traballo. Os carteis formarán parte da Exposición conxunta.
- Reparto dos espacios na Sala Multiusos e na Sala da Biblioteca Municipal.
- Días de montaxe: o venres 31 de maio e o luns 3 de xuño na Sala Multiusos e na Sala da Biblioteca só o luns 3 de xuño.
- Os horarios de da apertura e peche serán de 18:00 a 20:00 horas.
- Preparación do díptico coas actividades dinamizadoras que acompañarán á Exposición:
- Martes, 4 de xuño, INUAGURACIÓN DA EXPOSICIÓN, baixo a dirección da Mestra de Ceremonias Karina Parga. Antón Cortizas
- Mércores, 5 de xuño
- Representación teatral no Teatro Pastor Díaz de Viveiro, con entrada gratuita.
A Asociación da Mariña do Enfermo Mental pon en escea "ERES ÚNICO"
- Xoves, 6 de maio, CLAUSURA DA ESPOSICIÓN
- Intervención das coordinadoras do CEP Lois Tobío e do IES Vilar Ponte.
- Presentación do libro "Esta non é outra historia de piratas" de María Rolle
- Ademais, durante os días da Exposición, contamos coa colaboración do Centro Comercial Casco Histórico de Viveiro que nos presta a megafonía das rúas para poder escoitar, nun horario determinado, aos nenos e nenas dos diferentes colexios recitando e cantando diferentes poemas.
- Tamén os comercios agasallarán aos seus clientes con poemas escritos e decorados polas nenas e nenos.
1/5/19
A Microrrede nos blogs dos colexios
Os diferentes colexios que conforman a MICRORREDE xa están poñendo en marcha os traballos para a exposición conxunta deste curso:
A POESÍA QUE SENTIMOS
24/3/19
ENCONTROS PLAMBE 2018-2019
Encontros PLAMBE 2018/2019
Os días 21 e 22 de marzo celebráronse en Compostela os Encontros do Plan de mellora de bibliotecas escolares correspondente ao curso 2018/2019, con intervención de persoas expertas en diversos ámbitos relacionados coas biblioteca, a literatura, a comunicación, o patrimonio, a mediación lectora, as competencias informacionais e mediáticas, a tecnoloxía educativa e a produción audiovisual. Ademais, presentáronse un total de 26 experiencias de centro de moi diverso contido (funcionamento da biblioteca escolar, "hora de ler", voluntariado, biblioteca inclusiva, espazo creativo, proxecto lector, Radio na biblio, clubs de lectura, traballo por proxectos e outros). Neste ano de "poéticas diversas", a poesía estivo presente da man de Mar Benegas, Montse Pena e Carlos Negro.
A xornalista Rosa María Calaf pechou os Encontros cunha conferencia maxistral "Aprendendo a pensar diante da mentira e o ruído" que recibiu unha forte ovación por parte do público asistente.
As xornadas son un punto de encontro para compartir, aprender, expoñer... moi diversas actividades das Bibliotecas Galegas.
Aproveitamos este encontro para reunirnos as compoñentes e o compoñente da MICRORREDE PLAMBE A MARIÑA para ultimar os preparativos da convocatoria deste curso:
Tamén contactamos coas asesoras e autoridades educativas a quenes lles fixemos entrega das invitacións para a inauguración que será o martes, 4 de xuño.
Tamén contactamos coas asesoras e autoridades educativas a quenes lles fixemos entrega das invitacións para a inauguración que será o martes, 4 de xuño.
8/2/19
2ª Reunión de Traballo do curso 18-19
Na
tarde do mércores, 6 de febreiro, ás 18:30 horas, no CEIP de Cervo, reunímonos as coordinadoras e coordinador das Bibliotecas dos
14 centros que formamos a Microrrede A MARIÑA.
Nesta reunión volvemos a contar con Chelo Guntín Rey,
da Asesoría de Bibliotecas (enlace norte) e foi moi ben recibida pois
para nós supón un recoñecemento do traballo que levamos realizando ao
fronte das diferentes Bibliotecas Escolares nos xa oito anos de vixencia
da Microrrede.
Seguindo a "Orde do Día" perfilamos, máis polo miudo, os diferentes aspectos que conleva poñer en marcha un novo proxecto:
- Como primeiro punto demos a benvida a Iván, coordinador da Biblioteca do CEIP Fondo-Nois, que se incorporan a esta Microrrede. Tamén teñen previsto a súa participación a Escola de Idiomas de Ribadeo eo IES Monte Castelo de Burela.
- O título do mesmo será: A POESÍA QUE SENTIMOS.
- Datas: do luns 3 (montaxe) ao xoves 6 de xuño, nas salas de exposicións do Concello de Viveiro (Praza Maior). Nesta ocasión tivemos que cambiar para o mes de xuño dado que con motivo das eleccións municipais, as salas están reservadas para os diferentes eventos dos partidos que concorren ás mesmas.
- Posta en común dos traballos a realizar polas familias. Nesta ocasión cada centro elixirá o aspecto a traballar sendo a poesía e os sentidos os protagonistas. Tamén o formato de presentación dos traballos serán moi variados e orixinais.
- Actividades dinamizadoras para os días da inauguración, exposición e clausura: Neste apartado atopamos dificultades dado que a ley que rixe a organización de espectáculos esixe Seguros e Declaración de Responsabilidade. Acordamos pedir información á Asesoría Xurídica de Educación en Lugo.
- Presentáronse diferentes actividades dinamizadoras pero quedan á espera de confirmación porque dependen doutros organismos.
- Reparto de tarefas: prensa, cartelería, protocolo...
A partir de agora cada centro levará a cabo o seu proxecto e expoñerao durante o mes de abril en cada centro respectivamente.
Serán
moitas as comunicacións, a través das novas tecnoloxías, para resolver
todas as problemáticas que se vaian suscitando, pero serán as que irán
motivando ás coordinadoras e coordinador da Microrrede para presentar a 8ª Exposición da Microrrede PLAMBE A MARIÑA.
21/9/18
Comezamos a VIII convocatoria
Comezado o novo curso, as coordinadoras das Bibliotecas Escolares que conforman a MICRORREDE A MARIÑA reunímonos na tarde do xoves, 20 de setembro, na EEI San Roque de Viveiro para poñer en marcha a VIII convocatoria deste Proxecto Colaborativo das Bibliotecas da Mariña.
Como 1º punto fixemos avaliación da VII convocatoria: "A Mariña, pensando en feminino", para tela en conta á hora de programar e realizar as actividades deste curso.
O TEMA
DAS BIBLIOTECAS ESCOLARES para este
curso vai de POESÍA, pero en sentido moi amplo, é dicir, non só de poesía
literaria, senón de atopar a poesía en distintos lugares, situacións, produtos
culturais…, na VIDA mesma.
O
lema é:
Nós acordamos seguir esta proposta, aínda que xa a levamos a cabo na II convocatoria baixo o título "Unha primavera de poemas".- Nesta ocasión o título será:
"A POESÍA QUE SENTIMOS"
Trataremos a poesía dende os sentidos: a vista (fotos, vídeos, cine...); o oído (os sons, a música...); o olfato (o cheiro do mar, da terra, o aire, as montañas...); o gusto (a cociña...); o tacto (as expresións artísticas do baile, danza, texturas, materiais...).
Estas son algunhas das propostas que se puxeron enriba da mesa para ir comezando e logo cada centro concretará os traballos a realizar polas familias.
MÁIS INFORMACIÓN NA SEGUINTE PRESENTACIÓN:
Estas son algunhas das propostas que se puxeron enriba da mesa para ir comezando e logo cada centro concretará os traballos a realizar polas familias.
- As datas da exposición conxunta serán do luns 6 ao xoves 9 de maio de 2019.
- Durante a mesma realizaremos actividades dinamizadoras onde as nenas e nenos seguirán tendo protagonismo e presentaremos moitas novidades.
MÁIS INFORMACIÓN NA SEGUINTE PRESENTACIÓN:
21/6/18
O noso proxecto na revista EDUGA
Os centros que formamos a MICRORREDE A MARIÑA recibimos o seguinte correo:
Está dispoñible no portal da Consellería de Cultura, Educación e Ordenación Universitaria o novo número de Eduga. Revista Galega do Ensino (www.edu.xunta.es/eduga).
Este
volume 75 (xaneiro-xuño 2018) recolle, nas súas diferentes seccións,
experiencias innovadoras, boas prácticas e artigos de investigación,
xunto ás colaboracións que incorporan os espazos xa clásicos como
“Foro”, “A nosa escola” ou “Que é?” e os centrados en ámbitos máis
específicos como “Formación”, “Innovación” ou “Bibliotecas”.
Complementan o contido deste número a “Entrevista”, a “Axenda” e a
“Mediateca”.
Eduga. Revista Galega do Ensino quere
agradecerlles aos seus lectores e colaboradores a súa fidelidade e
estender a todos os nosos mellores desexos para este período vacacional
de verán.
Un saúdo moi cordial
Juan A. Granados
Director de EDUGA. RGE
O noso proxecto tamén tamén está presente nun artigo que podemos ler no
Suscribirse a:
Entradas (Atom)