Posta en marcha do novo proxecto

Estes días os centros integrantes da Microrrede A Mariña están entregando a carta e os materias necesarios para levar a cabo o proxecto deste ano.
A carta levará esta introdución común a todos os centros:

Queridas familias:
Un ano máis queremos propoñer ás comunidades educativas dos centros que formamos a 
“Microrrede das Bibliotecas PLAMBE da Mariña” unha nova actividade, co gallo das celebracións 
nos meses de abril e maio do Día do Libro e Día das Letras Galegas,  que nos recordan a necesidade 
do fomento e dinamización da cultura, entendida como un ben común que propicia unha sociedade máis 
humana, igualitaria, crítica e libre.

  Este curso dita actividade xira en torno ao intelectual lucense, cunha marabillosa e extensa obra, 
  polo que o título non pode ser doutra maneira:

OS SOÑOS DE MANUEL MARÍA

  Ademais dos obxectivos de fomento da lectura, do gusto pola poesía e do pracer polo uso e goce dos libros, 

podemos resumir o obxectivo principal nas palabras do propio autor:

O idioma é a forza,

que nos xungue e sostén.

Se perdemos a fala

non seremos ninguén!

                             (fragmento de A FALA)                           

Publicacións nos blog dos centro: 

CEIP ANTONIO PEDROSA LATAS (Celeiro) 
EEI SAN ROQUE (Viveiro)
CEIP PLURILINGÜE DE COVAS (Viveiro)
CEP LOIS TOBÍO (Viveiro)
IES IILA DE SARÓN (Xove)

Integrantes da Microrrede

O grupo de integrantes da Microrrede PLAMBE A MARIÑA vai medrando ano a ano.

Comezamos o curso 2011-2012 sendo 7 colexios; no curso 2012-2013 pasamos a ser 9 e agora no curso 2015-2016 xa somos 12.

Incorporáronse o CEIP O Vicedo, o IES Perdouro (Burela) e o IES Illa de Sarón (Xove).

Benvidas a todas as novas coordinadoras!

E tal e como queda recollido no artigo que presentamos á Revista EDUGA: "as posibilidades que ofrece un traballo colaborativo entre profesionais que se propoñen un mesmo proxecto e marcan uns obxectivos comúns son moi grandes e enriquecedoras. Prodúcense resultados de maior calidade e compártense informacións que conclúen na mellora das aprendizaxes".

Participamos no curso organizado polo CFR

Na tarde do xoves, 10 de marzo, a Microrrede A Mariña participou no curso impartido no IES Perdouro de Burela:

 BIBLIOTECA ESCOLAR. Organización e Xestión

Organizado polo CFR (Centro de Formación e Recursos) de Lugo.

No  noso relatorio explicamos o proxecto colaborativo que, dende fai cinco anos, ven levando a cabo a Microrrede das Biblioteca Escolares da Mariña.

As compoñentes da mesma fumos expoñendo os diferentes apartados:

• Presentación
• Obxectivos
• Como o facemos
• Exposicións dos traballos
• Actividades dinamizadoras
• Os nosos Proxectos: 
• De onte a hoxe...lembrando o pasado
• Unha primavera de poemas
• Daqueles contos...a novos finais
• O refraneiro de Cervo a Viveiro
• Os soños de Manuel María
• Os nosos logros

Nova reunión de traballo

As compoñentes da Microrrede A Mariña tiveron unha xuntanza de traballo na tarde do xoves, 18 de febreiro, onde concretaron todos os detalles para levar a cabo o novo proxecto que, como xa informamos, xirará en torno a Manuel María e levará por título:

"OS SOÑOS DE MANUEL MARÍA"

FUNDACIÓN MANUEL MARÍA

• Datas e plazos para a realización dos traballos:
• Do 1 ao 15 de abril, as familias prepararán os traballos nas súas casas.
• Na segunda quindena de abril, exposición dos traballos nos colexios.
• Do 9 ao 13 de maio, exposición conxunta dos traballos. Este ano faremos tanto a esposición como as actuacións no Teatro Pastor Díaz de Viveiro.
•  Son moitos os detalles que hai que coordinar:
• Elaboración de cartel e programa de man
• Invitacións
• Seguimento do Blog
• Libro de firmas
• Distribución das actuacións
• Deseño e colocación da exposición

Un traballo ilusionante que esperamos guste e teña os seus froitos en toda a comunidade educativa.

Reunión da microrrede

Na tarde do luns, 18 de xaneiro, na EEI SAN ROQUE, tivemos unha reunión de traballo para concretar todo o relacionado coas actividades que levaremos a cabo baixo o título:

EN TORNO A 

MANUEL MARÍA

Noticia na prensa local

A imaxe corresponde á fotografía que acompaña á entrevista realizada polo xornal LA VOZ DE GALICIA a María Rolle, relatora, xunto con Mariluz Iglesias, no CIBES (CONGRESO IBEROAMERICANO DE BIBLIOTECAS ESCOLARES).

NESTE ENLACE podemos ler toda a entrevista.

Ponencia no CIBES

Nesta entrada deixamos a presentación en PREZI que utilizaron María  e Mariluz como soporte da ponencia no CIBES; tamén o SlideShare coa comunicación.

De volta do Congreso

A MICRORREDE DA MARIÑA NO CONGRESO CIBES 2015

Do 26 ao 28 de outubro tivo lugar na universidade Carlos III de Getafe en Madrid o 1° Congreso Iberoaméricano de Bibliotecas Escolares CIBES 2015.
A Mariña estivo representada co proxecto 

"MICRORREDE DA MARIÑA: dinamizando as comunidades educativas a través da literatura"

As encargadas de facer a presentación en Madrid foron:

• María Rolle Insua, coordinadora da biblioteca do CEIP Plurilingüe de Covas 
• M.ª Luz Iglesias López, integrante do grupo de biblioteca do CEIP Plurilingüe Pedro Caselles Rollán de Xove 

O vídeo que podemos ver foi elaborado para facer a presentación das Bibliotecas que formamos a MICRORREDE

Ultimando a "comunicación"

Como xa informamos o noso proxecto foi aceptado no Congreso, polo que as compoñentes da Microrrede estamos a preparar a comunicación. 

As encargadas de facer a presentación en Madrid serán:

María Rolle Insua, coordinadora da biblioteca do CEIP de Covas
M.ª Luz Iglesias López, integrante do grupo de biblioteca do CEIP Pedro Caselles Rollán

O Congreso desenvolverase entre o luns, 26 e o mércores, 28 de outubro. Este último día será cando as compañeiras da Microrrede farán a presentación do relatorio.

NESTE ENLACE podemos ver o programa do CIBES.

CIBES 2015

Baixo o lema "Educación por competencias: reto del milenio para la interculturalidad y la inclusión social", celébrase en Getafe (Madrid), do 26 ao 28 de outubro, na Universidade Carlos III de Madrid, o I Congreso Iberoamericano de Bibliotecas Escolares (CIBES), froito da colaboración entre esta Universidade, o Concello de Getafe e a Universidade Estatal Paulista de Brasil. 

O colectivo de profesionais vinculados ás bibliotecas escolares poderán presentar comunicacións asociadas a algún dos catro eixos temáticos previstos:

1. A biblioteca escolar no proceso educativo: ensinanza e aprendizaxe
2. Comprensión lecto-escritora como factor de inclusión
3. As alfabetizacións na Biblioteca Escolar  
4. Contidos para o desenvolvemento de competencias naBiblioteca Escolar

O prazo para a presentación de resumes de comunicacións remata o 6 de xullo.  

O noso proxecto foi aceptado como relatorio no Congreso polo que as compoñentes da Microrrede estamos a preparar a comunicación.

+ INFORMACIÓN SOBRE O CONGRESO  

CIBES 2015

NOTICIAS NA PRENSA LOCAL

Deixamos aquí dous enlaces ao xornal LA VOZ DE GALICIA, onde se recollen noticias sobre a Exposición conxunta levada a cabo do 12 ao 15 de maio, baixo o título "O refraneiro de Cervo a Viveiro".

Escolares animan «O refraneiro»

La sabiduría popular en la mirada de los niños

Clausura da exposición conxunta

O venres, 15 de maio, rematamos as actividades e clausuramos a exposición .
Están encargadas de facelo os alumnos e alumnas dos institutos participantes: 

• Vilar Ponte que puxeron en escea unha pequena versión de   "La verbena de la paloma"
• María Sarmiento interpretaron varias cancións. 
• Na seguinte presentación podemos ver un resumen de todo o acontecido

Actividades do día 14 de maio

O xoves, 14 de maio, o CEIP PLURILINGÜE DE COVAS representou a obra

"A matemática historia de cadrado e circuliña"
 Fotos da representación no colexio

Despois chegaron as Regueifas do CEIP DE CERVO (unha proposta moi, moi tradicional )

E, por último, o CEP LOIS TOBÍO que nos trouxo

 " A vella do bosque "

(un rap que nos conta outra historia de Carapuchiña ),

"A vella a fiar " (retahíla musicada) 

a profesora Rebeca fixo de excelente contacontos, narrando esa historia que antes rapearon os nen@s e que levaba por título "A vella do bosque ".

Actividades do día 13 de maio

Continuando coas actividades dinamizadoras : o mércores, foi o turno do CEIP Pedrosa Latas de Celeiro, que dramatizou "O país dos mandóns" e O CEIP Pedro Caselles Rollán, que nos traían como proposta  "Eu son Rosalía cando ..."

No seguinte vídeo podemos ver a dramatización que levaron a cabo no colexio 

A Inauguración

Inauguramos hoxe a Exposición Conxunta : 
 Refraneiro de Cervo a Viveiro

Nela participan as comunidades educativas e as bibliotecas dos colexios que configuran a microrrede de bibliotecas de A Mariña. Fixo a apertura M.ª Luz Iglesias López, integrante do grupo de biblioteca do CEIP Pedro Caselles Rollán.
Cada curso aumenta a calidade e cantidade de traballos expostos e, por suposto, das actividades dinamizadoras que acompañan esta exposición.

• Nesta tarde, o EEI San Roque ofreceunos:

 "Cocorico" (Teatrillo de títeres) a cargo do profesorado.

• Co CEIP Plurilingüe de Santa Rita de Galdo viaxamos cunha maleta cargada de libros para todos e todas. Había libros para os avós, poemas de Rosalía, a ritmo de rap,  e arrolos para os máis pequenos. 

O arrecendo das Bibliotecas invadiu a 

Sala de Exposicións do Concello de Viveiro.

Exposición conxunta : Refraneiro de Cervo a Viveiro

Como resultado final do traballo colaborativo, realizamos unha exposición conxunta na Sala de Usos Múltiples do Concello de Viveiro.

O luns, 11 de maio, fixemos a montaxe da mesma e queda reflectido no seguinte vídeo:

Cartel e programa de actividades

CURSO 2014-2015

Moita participación dos Centros participantes

Traballos e exposición nos centros participantes:

CEIP de CERVO

CEIP PLURILINGÜE DE COVAS

CEIP PLURILINGÜE DE GALDO

CEIP LOIS TOBIO

IES MARÍA SARMIENTO

CEIP A. PEDROSA LATAS. CELEIRO

 

Nova convocatoria do traballo colaborativo das bibliotecas escolares da Mariña

Para este curso 2014-2015, e despois de moitas reunións e deliberacións das coordinadoras e equipos das bibliotecas escolares, propoñemos:

“O REFRANEIRO DE CERVO A VIVEIRO”

Esta actividade ten como obxectivo a posta en valor da TRADICIÓN ORAL E POPULAR.

A tradición oral transmite valores que explican a importancia e a necesidade que ten o home de vivir en sociedade, ensinando a respectar e comprender os seus propios estilos de vida e outros distintos.

Trátase de fomentar a comunicación e o diálogo entre a familia e o seu fillo-a, traballando sobre os diferentes refráns  que coñecen, para despois pensar nun en concreto e a ser posible que se utilice na nosa zona.

Por iso enviámosvos o folio para que escribades un refrán en galego e o acompañedes dunha ilustración ou obra plástica a realizar con técnicas libres (collage, debuxo, manualidades…). 

Clausura da Exposición

O venres, 16 de maio, clausuramos a Exposición Conxunta. 

Correspondeulles facelo a:

• CEIP Antonio Pedrosa Latas de Celeiro-Viveiro que cantaron unha serie de contos populares musicados tales como: Carapuchiña Vermella, O lobo e os tres porquiños, O traxe novo do Emperador, Xanciño e os fabóns máxicos, O flautista de Hamelin... e remataron con cancións populares galegas.
• CEP Lois Tobío de Viveiro que puxeron en escenificaron un romance e cantaron varias cancións.

Actividades do día 15

ACTIVIDADES DO XOVES 15 DE MAIO

CEIP PLURILINGÜE DE COVAS

CEIP PEDRO CASELLES DE XOVE

 Dentro do programa de actuacións da actividade conxunta das bibliotecas escolares da zona da Mariña "DAQUELES CONTOS... A NOVOS FINAIS" tocoulles o turno aos nenos e nenas de 6º de primaria do noso colexio. Foi impresionante o monólogo de Claudia recitando o texto de Paula Carballeira "Só un libro". Despois cantaron e bailaron con moita gracia ao son dos libros-instrumento "Porque ler un libro", para rematar visionando a estupenda curta de animación realizada polos alumnos e alumnos de 2º de primaria "O señor Ramón e a señora Ramona". Ese mesmo día actuaron un grupo moi animado de nenos e nenas do CEIP Pedro Caselles Rollán de Xove, presentando unha fantástica curta de animación "Que é o amor?".
Todo o público asistente a este acto disfrutou coas actuacións destos pequenos artistas.

Actividades do día 14

ACTIVIDADES DO MÉRCORES 14 DE MAIO

CEIP ANTONIO PEDROSA LATAS

PROFESORAS:
ANGÉLICA NOVO E VIRGINIA JIMÉNEZ

"CARAPUCHIÑA DE CORES"

Montaxe e Inauguración da exposición conxunta

Na montaxe o luns, 12 de maio, participamos todas as responsables e membros dos equipos das bibliotecas escolares. É un momento entrañable, tamén de moito traballo, pero no que se comparten anécdotas e vivencias de todo o proceso.

Na inauguración, na tarde do martes 13 de maio, todo estaba en perfecto orden. Fixo de mestre de ceremonias a responsable da biblioteca do CEP Lois Tobío, Pilar Sánchez, e pechou o acto a Delegada de Cultura do Concello de Viveiro, Covadonga Viamonte Aguiar.

Nos seguintes vídeos podemos ver algúns dos momentos da montaxe e inauguración da exposición conxunta.

Cartel e programa das actividades

Traballos e exposicións

AOSSo

OS TRABALLOS E AS EXPOSICIÓNS

NOS CENTROS ESCOLARES 

EEI SAN ROQUE DE VIVEIRO

CEIP ANTONIO PEDROSA LATAS DE CELEIRO

CEIP PLURILINGÜE SANTA RITA DE GALDO

CEIP PLURILINGÜE DE COVAS

CEP LOIS TOBÍO DE VIVEIRO

CEIP DE CERVO

Nova proposta de traballo colaborativo

Despois de varias reunións, as responsables das bibliotecas escolares que formamos a  MICRORREDE A MARIÑA, xa temos unha nova proposta de traballo colaborativo que levará por título:

“DE AQUELES CONTOS…NOVOS FINAIS”

Esta actividade ten como obxectivo a posta en valor da LITERATURA CLÁSICA, importante na formación de hábitos lectores, no desenvolvemento de valores, gustos literarios e tamén no desenvolvemento da creatividade como elemento fundamental nunha sociedade en constante cambio.

Por iso enviámosvos o folio cun conto clásico resumido para que sexa lido en familia e despois de comentado buscarlle un final novo e diferente, que escribiredes pola parte de atrás xunto coa realización dunha ilustración ou obra plástica a realizar con técnicas libres (collage, debuxo, manualidade…). 

Cada ano vides presentando traballos ben bonitos !!!

O traballo entregarase ao titor ou titora á volta das vacacións de Semana Santa; cos mesmos farase unha exposición nos colexios participantes e na semana do 12 ao 16 de maio, unha exposición conxunta, na Sala de Usos Múltiples do Concello de Viveiro. Esta exposición contará con actuacións dos alumnos e alumnas dos diferentes centros.

Clausura da exposición

O xoves, 16 de maio, fixemos a clausura da Exposición e como actuación especial correspondeulle ao coro do  colexio Pedrosa Latas de Celeiro cantando o poema de Cantares Gallegos "Has de cantar" que musicou a mestra de música, Marta Pérez.
 Rematamos cantando cancións populares galegas de temática mariñeira.

Máis actividades

O mércores, 15 de maio, houbo contacontos a cargo das mestras Angélica Novo e Rebeca Palmeiro do CEIP Antonio Pedrosa Latas de Celeiro.
Pasamos unha velada moi entretida e divertida!

Actividades na Exposición

O martes, 14 de maio, os alumnos e alumnas do CEIP Pedro Caselles Rollán fixeron unha sesión de recitados da obra de Rosalía de Castro con motivo do 150 aniversario do seu libro "Cantares Galegos".

Inauguramos a Exposición "Unha primavera de poemas"

E, por fín, chegou o día da inauguración.
Os nenos e nenas dos diferentes colexios poideron ver os seus traballos e os doutros compañeiros.

A esta cita acudiron as comunidades educativas dos centros participartes e poidemos contar coa participación de Marta Coira, asesora do CFR de Burela, a Tenente de Alcalde, María Loureiro e como mestra de ceremonias, Carmen Ferreiro.

Os alumnos e alumnas do CEP Lois Tobío prepararon uns poemas de Rosalía de Castro e outros autores e recitáronnos acompañados por diversos instrumentos musicais. Fixéronno moi ben!

O programa de actividades para a exposición conxunta

O equipo do proxecto colaborativo, formado polas responsables das bibliotecas escolares participantes, levaron a cabo xa varias reunións para concluir coa preparación de actividades a levar a cabo durante os días da exposición conxunta que terá lugar na Sala de Exposicións do Concello de Viveiro durantes os días 13, 14, 15 e 16 de maio.

Este será o programa:

Exposicións dos traballos nos colexios.

A este edición, ademais dos centros que participaron o curso pasado, incorpóranse o CEIP Santa Rita de Galdo e o CEIP de Cervo.

Nos seguintes enlaces podemos ver as diferentes exposición que levaron a cabo nos diferentes Centros:

EEI SAN ROQUE

CEP LOIS TOBÍO

CEIP de COVAS

CEIP SANTA RITA

CEIP de CERVO

 CEIP PEDROSA LATAS

Novo Proxecto Colaborativo das bibliotecas Escolares da Mariña

“UNHA PRIMAVERA DE POEMAS: apadriña unha poesía”

Dentro do proxecto colaborativo das Bibliotecas Escolares  da Mariña, o igual que o curso pasado (“Lembrando o pasado”), propoñemos ás familias a súa participación nunha actividade que leva por título:

“UNHA PRIMAVERA DE POEMAS: apadriña unha poesía”

Esta actividade ten como obxectivo a posta en valor da poesía como unha forma máis de literatura e moi importante na formación de hábitos lectores.

Por iso enviámosvos este formato para que acompañedes aos vosos fillos na procura dun autor, da súa obra e dun poema que lles guste. No mesmo terán que copiar a poesía, facer unha pequena obra plástica a modo de ilustración do contido do poema, inventar unha estrofa nova (si se desexa)… e por último cubrir os datos que se indican. 

Cando se remate o traballo entregarase ao titor ou titora tendo como data tope o luns, 18 de marzo.

Cos traballos faremos unha exposición nos propios centros coincidindo coa chegada da primavera e o Día da Poesía (21 de marzo) e durante o mes de maio, unha exposición conxunta na Sala de Exposicións do Concello de Viveiro.

CLAUSURA DA EXPOSICIÓN

Na clausura da exposición "De onte a hoxe...lembrando o pasado" houbo sesión de contacontos coa participación das mestras de infantil e primaria: Cristina Freán, Rebeca Palmeiro e Paula López; tamén participaron profesoras e alumnos de secundaria.
       

Foi unha velada especial e pasámolo moi ben!

SESIÓN DE CONTACONTOS

Inauguración da Exposición

A INAUGURACIÓN

Foi un acto entrañable no que participaron as comunidades educativas dos centros; fixo de mestre de ceremonias Carmen Ferreiro Maseda, coordinadora da biblioteca da EEI San Roque; ademais contamos coa presencia de Marta Coria e Pilar Sampedro, asesoras das Bibliotecas Escolares a nivel da provincia de Lugo e da Consellería de Educación.

Moitas grazas polo voso apoio, as vosas palabras son un pulo importante para o traballo que se está a realizar nas Bibliotecas dos Centros. 

As exposicións do proxecto nas bibliotecas escolares

CEIP ANTONIO PEDROSA LATAS. CELEIRO

EEI SAN ROQUE. VIVEIRO

Preparando a gran exposición

Estamos a preparar a gran exposición conxunta cos traballos dos centros participanntes, será na Sala de Exposicións do Concello de Viveiro e estará aberta do 25 de abril ao 2 de maio.

Preparamos o seguinte programa:

 

“DE ONTE A HOXE: lembrando o pasado”

Ten como obxectivos a recuperación da literatura infantil como fonte de pracer, fomentar hábitos de lectura, recuperación e lembranza dos libros que forman parte da memoria das familias 

Por iso enviámosvos un folio para que, co membro da familia que decidades, recorde co neno/a os contos que lía de pequeno, cal era o seu favorito e logo faredes:

· Na esquerda cubrides os datos que se vos pide.
· Na dereita unha pequena obra plástica libre (exemplos: fotocopia da portada do libro, debuxo dos personaxes, fabricar o zapato da Cincenta e pégalo,…)

Moito ánimo!!!

Cos traballos realizados faremos primeiramente unha exposición en cada colexio participante e logo unha exposición conxunta.

Xa vos iremos informando.