14/5/22

CLAUSURA, CEIP de Celeiro e Conservatorio


Chegou o día da clausura da Exposición Conxunta da MICRORREDE A MARIÑA:

 "A voltas coas palabras"

Foi unha semana intensa con actividades dinamizadoras moi diversas e moi concurridas polas familias e público en xeral.

Na tarde do venres, 13 de maio, actuaron o Coro do CEIP de CELEIRO e o Grupo de Guitarras do Conservatorio de Música de Viveiro.

A mestra de ceremonias foi Karina Parga e o discurso de clausura correu a cargo do coordinador da biblioteca do CEP Lois Tobío, Iván Suárez.

O Coro do colexio, dirixido por Marta Pérez, levou a cabo o programa "A PALABRA FEITA MÚSICA, Contos e poemas musicados".

  • Os fabóns máxicos (conto de Hans Christian Andersen)
  • O Xigante Seisdedos (conto popular)
  • O frautista de Hamelin (conto dos irmáns Grimm)
  • Esta non é outra historia de piratas (baseado no conto de María Rolle con música de Marta Pérez)
  • Paseniño, paseniño (poema de Rosalía de Castro e música de Marta Pérez)
  • Salve, Bandeira! (poema de Florencio Delgado Gurriarán e música de Marta Pérez)

Despois do discurso de clausura do profesor Iván Suárez actuou o Grupo de Guitarras do Conservatorio de Música de Viveiro a quen lle agradecemos a súa colaboración, moitas gracias!.





12/5/22

3ªXORNADA: IES MARÍA SARMIENTO

Na tarde do mércores, 11 de maio, a Exposición "A VOLTAS COAS PALABRAS" volveu abrir e foron moitos os que se achegaron para ver os traballos realizados.

 

O alumnado do IES MARÍA SARMIENTO presentu o "DÍARIO DO SARMIENTO", a radio contra o acoso escolar e que forma parte do Proxecto AMIGO. A súa idea é por a andar unha radio na que todas as persoas que necesiten axuda podan contar con eles.



 

PREME NA IMAXE PARA VER O VÍDEO



11/5/22

2ª XORNADA: CEIP PLURILINGÜE DE COVAS

O martes, 10 de maio, foi a quenda da BIBLIOCOVAS dentro da Actividade Dinamizadora da Exposición "A voltas coas palabras" da Microrrede Plambe da Mariña.

Os nenos e nenas de 1º de Educación Primaria representaron "Non é unha caixa" , unha historia que nos amosa que o xoguete máis importante é a imaxinación.

Fixérono xenial!!!!!!

Aquí vos deixamos o vídeo para que o disfrutedes....


 

10/5/22

INAUGURACIÓN "A VOLTAS COAS PALABRAS"

 Na tarde do luns, 9 de maio, realizamos o acto inaugural da Esposición Conxunta "A Voltas coas Palabras".

Representantes dos centros educativos participantes, inspectores de educación, autoridades (alcaldesa, María Loureiro e Xefa Territorial de Educación, Mariña Gueimunde), a nosa asesora das bibliotecas (Chelo Guntín) e facendo a función de Mestra de Ceremonias Karina Parga; con gran ledicia pola volta á normalidade, demos por inaugurada a  convocatoria número 11 da MICRORREDE PLAMBE A MARIÑA.

Nesta primeira xornada contamos co  xornalista, escritor e contador de historias, Pablo J. Rañales, quen fixo unha significativa reflexión sobre as palabras.
Tivemos tamén a ctuación musical de Amigos do folk, grupo de gaitas do Conservatorio Profesional de Música de Viveiro.

No seguinte vídeo podemos ver un resumo do acto.



A MICRORREDE NA PRENSA

Abre en Viveiro la muestra «A voltas coas palabras» 


de la red de bibliotecas escolares de A Mariña

LA VOZ DE GALICIA (A MARIÑA) 






7/5/22

MONTAXE DA EXPOSICIÓN venres 6 maio

 Na tarde do venres, 6 de maio, as compoñentes e compoñente da MICRORREDE A MARIÑA fixemos a montaxe da Exposición Conxunta. Este ano foi máis sinxela que en cursos anteriores, pois toda a información dos traballos realizados están nos códigos Qr que leva cada cadro.

Son un total de 14 traballos moi orixinais e realizados con diferentes técnicas.

Convidávosmos a visitar a exposición:



5/5/22

PROGRAMA DE ACTOS

LUNS 09/05/2022
ACTO DE INAUGURACIÓN
18:30h
. Discurso inaugural.
. Faladoiro co xornalista, escritor e contador de historias, Pablo J. Rañales.
Presentará o seu libro “Siervos de tinta”, de Valhalla Ediciones.
. Actuación musical de Amigos do folk, grupo de gaitas do Conservatorio
Profesional de Música de Viveiro.

MARTES 10/05/2022
18:00h
. Actividade dinamizadora do CEIP de Covas:
- Representación "Non é unha caixa", a cargo do alumnado de 1° EP.

MÉRCORES 11/05/2022
18:00h
. Actividade dinamizadora do IES María Sarmiento de Viveiro:
- Presentación do Diario do Sarmiento (radio contra o acoso escolar) e
do podcast Las Grandiosas Tigresas Barbudas.

XOVES 12/05/2022
18:00h
. Actividade dinamizadora do CEP Lois Tobío de Viveiro:
- Contaconto “A biblioteca ten a palabra”, a cargo de Rebeca Palmeiro.
- Conto musicado “Nica, a canica”, a cargo do alumnado de 1o EP.

VENRES 13/05/2022
ACTO DE CLAUSURA
18:00h
. Discurso de clausura.
. Actividade dinamizadora do CEIP de Celeiro:
- Coral “A palabra feita música”.
. Actuación musical da Orquestra de guitarras do Conservatorio Profesional de
Música de Viveiro.

CONTIDO DA EXPOSICIÓN:

EEI SAN ROQUE (Viveiro) : “Paisaxe en palabras”, somos unha parte máis da paisaxe
que habitamos e as nosas palabras o definen.
CEP LOIS TOBÍO (Viveiro) : “As verbas traen lembranzas”, os nosos maiores
cóntannos que palabras lles traen recordos da súa nenez e porque.
CEIP de CELEIRO (Celeiro-Viveiro) : “Cardume de peixes”, PDI Coñecemos Celeiro.
CEIP Plurilingüe de COVAS (Covas-Viveiro) : “Tecendo camiños”, as nosas avoas e
avós cóntannos como se desprazaban e como xogaban cando eran nenas e nenos.
CEIP Plurilingüe SANTA RITA (Galdo-Viveiro) : “25 anos apegados ao noso”, mosaico
do noso patio, pedagoxía verde.
CEIP Plurilingüe PEDRO CASELLES ROLLÁN (Xove) : “O mar que nos fala”, oficios e
poemas do mar.
CEIP de CERVO (Cervo) : “BiblioCervo toma a palabra: mens sana in corpore sano”,
nutrimos a mente, coidamos o corpo e protexemos o medio que nos rodea.
CEIP Plurilingüe VISTA ALEGRE (Burela) : “Seres mitolóxicos das fragas galegas”,
seres mitolóxicos típicos dos montes galegos.
CEIP GREGORIO SANZ (Ribadeo): “Viaxando polo mundo con contos e lendas”,
recompilación de contos e lendas tradicionais do mundo contadas polas familias do
alumnado.
IES MARÍA SARMIENTO (Viveiro) : “Somos emigrantes”, mapa mundi con entrevistas
a persoas migrantes da nosa familia.
IES VILAR PONTE (Viveiro) : “Dende Viveiro para o mundo”, colección de lendas
representativas dos lugares de orixe do alumnado do centro.
IES PERDOURO (Burela) : “O son da memoria”, Memoria fotográfica, historias da
vida entre os anos 50 e 70; a oralidade dos trobadores e xograres.
IES MONTE CASTELO (Burela) : “Xogamos. Antes e agora”, entrevistas a maiores
sobre os xogos e xoguetes de cando eran novos.
EOI de RIBADEO (Ribadeo) : “A voltas coas palabras”, espiral de palabras
inspiradoras multilingüe.


CARTEL DO PROXECTO

Presentamos o cartel que foi realizado por Izan Fra Fernández, alumno de 2º de BACHARELATO de Artes no IES Monte Castelo de Burela.

 Un traballo excelente polo que lle queremos transmitir os nosos parabéns.


8/4/22

REUNIÓN DA MICRORREDE A MARIÑA

 


Na tarde do xoves, 7 de abril, compoñentes da MICRORREDE, reunímonos para ultimar todos os preparativos necesarios para a realización da exposición conxunta do proxecto deste curso: A VOLTA COAS PALABRAS".

Cada centro presentará un "cadro artístico" que levará incluídos códigos QR que nos dirixirán á actividade realizada por cada centro escolar.

A Exposición será na Sala de Usos Múltiples do Concello de Viveiro, durante a semana do 9 ao 13 de maio, en horario de 18:00 a 20:00 horas. Esta exposición tamén se poderá realizar noutros Concellos da Mariña.

O Cartel anunciador da exposición estase elaborando a través de Departamento Artístico do IES Monte Castelo de Burela e xa por cuarto ano consecutivo.

Na tarde de onte tamén acordamos os diferentes actos que acompañarán á Exposición e que se recollerán nun programa que será divulgado a través das comunidades educativas de cada centro.

  • Inauguración e Clausura coas autoridades que nos acompañan ano a ano.
  • Actividades dinamizadoras:
    • Con  escritores recoñecidos.
    • Participación do Conservatorio de Música de Viveiro
    • Os centro educativos tamén serán protagonistas en cada xornada da exposición con diversas actuacións musicais, de representación, dramatización, lecturas, contacontos...

É moita a ilusión posta polo coordinador e coordinadoras que integramos a MICRORREDE.  Despois deste dous anos últimos de moitas dificultades queremos volver á normalidade pero con moitas precaucións.

Seguiremos informando. Agora toca traballar nos centros para rematar todas as actividades de cada un dos proxectos que seguro serán moi creativos e vistosos.

26/3/22

Encontros PLAMBE 2021-2022

Encontros PLAMBE 2021-2022

O xoves 24 e venres 25 de marzo tiveron lugar, no Palacio de Congresos de Santiago de Compostela, os Encontros do Plan de Mellora de Bibliotecas Escolares (PLAMBE) correspondentes ao curso 2021/2022, con intervención de persoas expertas en diversos ámbitos relacionados coas bibliotecas, a lectura, a literatura, a comunicación, a mediación lectora, a alfabetización mediática e informacional, o patrimonio inmaterial. Ademais, presentaranse un total de 18 experiencias de centros de moi diverso contido (funcionamento da biblioteca escolar, traballo por proxectos, familias na biblioteca escolar, radio na biblio, biblioteca inclusiva, voluntariado e outros... ). 
 
As xornadas son un punto de encontro para compartir, aprender, expoñer... moi diversas actividades das Bibliotecas Galegas. 

Aproveitamos este encontro para reunirnos as compoñentes e o compoñente da MICRORREDE PLAMBE A MARIÑA para ultimar os preparativos da convocatoria deste curso. 
Tamén tivemos a oportunidade de contactar coa nosa asesora de zona Chelo Gundín Rey, a quen lle agradecemos toda a colaboración que nos presta ao longo de todo o curso.


 

 

10/2/22

A VOLTAS COAS PALABRAS

 

Neste segundo trimestre do curso, tal e como acordamos, tivemos a 2ª reunión o pasado xoves, 10 de febreiro.
Na mesma quedaron fixados os seguintes aspectos:
  • Título da exposición, "A VOLTAS COAS PALABRAS"
  • Datas: montaxe o venres, 6 de maio; exposición conxunta do 9 ao 13 de maio. Na sala multiusos do Concello de Viveiro.
  • Forma de exposición dos traballos: Cada centro presentará un cadro de tamaño 75cm X 95cm. No mesmo incluiranse códigos QR que nos levarán aos diferentes traballos realizados en cada centro.
  • Ao lado de cada cadro figurará a ficha técnica cos datos correspondentes ao nome do colexio, título da obra, ano, técnica empregada...

Quedamos emprazados para o xoves, 7 de abril, coa presenza de todos os membros da MICRORREDE, para analizar a situación e preparar a inauguración da Exposición Conxunta e a posibilidade de organizar actividades dinamizadoras, tal e como se viña realizando en anos anteriores á pandemia.

Agora o traballo está nos centros educativos. 

MOITO ÁNIMO E SAÚDE

26/11/21

Novo proxecto para o curso 21-22

 

Na tarde do xoves, 25 de novembro, reunímonos integrantes da Microrrede A Mariña para dar comezo a un novo proxecto e xa imos polo décimo primeiro.

Foi unha reunión de toma de contacto, con novas incorporacións e coas pilas cargadas para afrontar un novo curso e novo proxecto tendo todavía moita precaución por mor da pandemia.

O proxecto que imos levar a cabo ten como obxectivo xeral traballar a oralidade, recuperar a arte ancestral de contar historias. Cada centro poderá adaptalo ao seu PDI ou outros proxectos.

Acordamos tamén a forma de presentación para a exposición conxunta, datas da mesma e outros temas que serán estudiados en cada centro para no vindeiro trimestre ter outra reunión de traballo e ultimar  todos os detalles polo miúdo.

Adainte co proxecto! e moita saúde para tod@s!

11/6/21

CLAUSURA DA EXPOSICIÓN, curso 20-21

 Hoxe poñemos punto e seguido... á "Exposición conxunta" deste curso tan diferente,  no que puxemos en valor o traballo dos centros integrados na MICRORREDE A MARIÑA.

O peche final correspondeulle á Xefa Territorial de Educación,  

María Carmen Gueimunde González

OLA!!!

Aproveitarei esta oportunidade que me brindades a través desta canle para trasladar, a toda a familia “Microrrede da Mariña”, o meu eterno agradecemento polo seu traballo no eido educativo a prol da lectura, o saber , a ciencia, a tecnoloxía, as artes ..... e o que é máis importante, a convivencia, a amizade e a solidaridade entre iguais da nosa comarca.

Son xa moitas edicións compartindo a vosa ilusión e o voso compromiso, e non quería deixar de faceros partícipes do meu sentir nun ano que arrincamos con incertidume pero soubestes organizar e superar con esperanza e profesionalidade. Sin vós non se tería feito.

Fostes capaces de retomar os proxectos sin vacilar . De tirar de imaxinación e de recursos para adaptarvos ó novo contexto social sen perder a maxia que circula polas aulas. Mantivestes intacto o espírito de traballo nos alumnos e alumnas dos vosos centros como si o tempo e a pandemia non pasaran por nós. E hoxe nos regalades as conclusións das vosas tarefas que demostran, unha vez máis, que seguides aí....por eles e elas...polo seu benestar emocional e riqueza conceptual....pola EDUCACIÓN.

Perdimos moitos vínculos polo camiño, as fantásticas concentracións nas que disfrutabamos en compañía, pero gañamos en valores que quizais tiñamos algo esquecidos....XUNTOS conseguímolo.....XUNTOS imos polo BO CAMIÑO.

Gracias a “MICRORREDE DA MARIÑA”, gracias ós centros e ó profesorado participante. E gracias aos verdadeiros heroes desta novela educativa que son os nenos e nenas que diariamente nos deron e dan leccións de vida. 

Un abrazo e ata o próximo ano. 

Gracias.!!!!!

 

10/6/21

CEIP Plurilingüe Pedro Caselles Rollán (Xove)

 CEIP Plurilingüe Pedro Caselles Rollán (Xove)

XEOGRAFÍAS LECTORAS 

OLAAA... 

Como xa vos dixen, este curso non puidemos facer a exposición da Microrrede. Aínda así, todos os centros da Microrrede da Mariña estiveron traballando: uns con proxectos, outros con diferentes actividades... Todas e todos poñendo o noso grau de area para achegar as bibliotecas escolares a todas as comunidades educativas. Aquí vos deixo o resume das nosas actividades 

 PREME NA IMAXE


 

9/6/21

IES MARÍA SARMIENTO (Viveiro)

 

CEIP Plurilingüe Santa Rita de Galdo

CEIP Plurilingüe Santa Rita de Galdo

O curso remata e Galdiño peregrino quere felicitar ao seu alumnado polo bo traballo que fixeron. Aquí temos o resumo de tódalas actividades que fixeron ao longo do curso. 

"O camiño foi longo pero mereceu a pena. Cada vez estamos máis preto de alcanzar o noso ansiado produto final, a GUÍA INFANTIL CO CAMIÑO do MAR! Entre todos e todas axudaremos ao concello a poñer o noso gran de area para darlle un pequeno empuxón á OFICIALIZACIÓN desta ruta" 

 


8/6/21

IES VILAR PONTE Viveiro

IES VILAR PONTE Viveiro 

Sempre recordaremos o curso 2020-2021 como un curso con moitas normas e restriccións. Este foi o curso das mascarillas, dos xeles desinfectantes, dos aforos, dos grupos burbulla, dos espazos e recintos marcados, etc. Sen embargo, a pesar de todos os inconvintes, logramos levar a cabo distintas actividades que nos aportaron certa normalidade á toda a comunidade educativa. 

Deixamos aquí esta presentación como resumo das actividades realizadas e coa finalidade de rememorar o feito ao longo destes meses nos que superamos un difícil curso. Grazas a tod@s os que contribuiron e participaron! 



EEI SAN ROQUE Viveiro

 EEI SAN ROQUE Viveiro

A nosa aportación  é o traballo realizado polo alumnado sobre a nosa localidade, uníndonos a reivindicación con outros centros e co Concello, para a oficialización do CAMIÑO DO MAR dentro do XACOBEO 21-22. 



7/6/21

IES PERDOURO de Burela

 IES PERDOURO de Burela

Este curso recibimos un reto: o dos 21 Días co galego e máis. Así foi como formamos parte desta estupenda iniciativa xunto a outro nove centros de Galicia e como nos convertimos en factoría de produción audiovisual con propostas diversas para achegarnos ao galego e á súa cultura.

Na seguinte presentación recollemos algúns dos traballos realizados:


 

C.E.I.P Plurilingüe Vista Alegre de Burela.

 C.E.I.P Plurilingüe Vista Alegre de Burela.

Libruxa, a nosa mascota, presenta para esta exposición o "Caderno do Camiño", onde aparece a nosa "peregrinaxe" deste curso a modo de caderno de bitácora, co itinerio de actividades relacionadas coas conmemoracións e as distintas propostas para o PDI "Xacobeo-Bureleo 2021" e o Proxecto Erasmus+ "Friends for Our Planet": as credenciais lectoras, as verbas do camiño, o Xacobeo na prensa, o taller de contos de medo, o concurso de carteis para o "bureleo",  o correversos do Camiño, as mascotas peregrinas e os países que representan, a reportaxe da ruta "Bureleo 2021", os dous retos de investigación e concienciación medioambiental: enerxía e contaminación...e moitas actividades máis que esperamos que vos gusten!!!