Ratígoras no IES Vilar Ponte

 ESCENA 5

Personaxes:

·Josefina
·Platanito
·Ratígoras

(O bibliobús segue o seu percorrido polas bibliotecas e vaise facendo de noite. De súpeto, Ratígoras atópase dous personaxes no medio da escuridade farfallando algo inintelixible).

RATÍGORAS: Quen anda aí? Estou armado! Teño toda a colección de enciclopedias universais!

JOSEFINA: Por fiiiin! Axuda, axuda por favor!

PLATANITO: Siii, axuda! 

RATÍGORAS: MAAAAN, LUUUUUZ POR FAVOOOOR! 

(Unha man dun alumno achega unha vela)

RATÍGORAS: Ben, con isto chegará. Que susto me destes! Que pasou aquí?

PLATANITO: Es o famoso Ratígoras? Que ben, que boa sorte! Eu son Platanito e esta é Josefina. Vivimos aquí, na biblioteca do IES Vilar Ponte, estabamos cos rapaces hoxe lendo un libro no recreo e….

JOSEFINA: E ENGANCHOUNOS!

PLATANITO: Si, enganchounos, estamos enganchados!

RATÍGORAS: Non podedes soltalo?

JOSEFINA: Non, é imposible, fíxosenos de noite lendo.

RATÍGORAS: A ver, deixádeme intentar axudarvos…

(Ratígoras tenta soltalos á forza, pero non hai maneira).

RATÍGORAS: Non hai maneira, amigos. Creo que a única forma de solucionar isto é que o rematedes.

JOSEFINA: O que? O libro? É que non vemos nada!

RATÍGORAS: Un momento! MAAAAAANS, LUUUUUUZ!! 

(Aparecen máis mans de alumnado con máis velas).

(Josefina le as dúas frases finais do libro e tanto ela como Platanito son libres).

JOSEFINA E PLATANITO: Beeeen! Moitísimas grazas, Ratígoras! 

RATÍGORAS: De nada, amigos. Marcho, que teño que marchar: aínda quedan moitas bibliotecas que visitar.

JOSEFINA E PLATANITO: Boa viaxeeee!

Fin da escena

Ratígoras no IES María Sarmiento

 Título: A CAVERNA

Personaxes:

• Ratígoras

• Patágoras

• Sópates

• Patón

Escena 4: 

(RATIGORAS está na biblioteca lendo un libro. ao seu redor hai moitos de gran formato e estanterías repletas de exemplares. Ratígoras está encerrado nunha urna acristalada, Aparecen en escena PATÓN, PATÁGORAS E SÓPATES, tres filósofos movidos pola fama de sabio de RATÍGORAS.)

PATÓN: Oh, gran Ratígoras! Vimos coñecerte  porque din que es o máis sabio do María Sarmiento!

PATÁGORAS:  Oh, gran Rato!  Es o máis sabio de  todo Viveiro!

SÓPATES; Oh gran Roedor! Aínda moito máis! Es o máis sabio de toda A Mariña!

(RATÍGORAS  deixa o libro e mira cara a eles)

RATÍGORAS: Non sei de onde sacastes iso. Pois eu só sei que non sei nada…

PATÓN: Como que non sabes nada? Algo saberás, pois a túa fama precédete.

RATÍGORAS: (Indicando para as estanterías) Ves estes libros? Pois hai moitos dos que non sei nada. Hoxe comín un pouquiño deste. (Enfoca un libro grande azul). Sabía algo salgado pois fala dos mares e océanos e de postre collín unha novela de piratas… sabía a bombón de trufa. Queredes probar? Porque non hai sabiduría se non se saborea o coñecemento.

PATÁGORAS: Eu  xa coñezo o mar, está aquí ó lado.

RATÍGORAS: Pero eu podo ver e imaxinar todos os mares do mundo sen saír de aquí.

PATÓN: Tamén tes que saír da biblioteca e coñecer a verdadeira realidade. Ven con nós no bibliobús e coñecerás todas as bibliotecas da Mariña.

SÓPATES:  Nós si que che ensinaremos os tesouros das outras bibliotecas.

(Convenceron a Ratigoras e marcha con eles no bibliobús a buscar eses tesouros das bibliotecas)

Xornada de bibliotecas escolares 2024

 Hoxe, na Xornada de bibliotecas escolares de Galicia presentamos o noso traballo da Microrrede e compartimos mesa de experiencias con Cristina Campos Pérez ( CEIP A Lama- Pontevedra)

Grazas á Asesoría de bibliotecas por convidarnos e difundir o noso traballo nestas Xornadas. 

#XBEGA24

Ratígoras no CEIP Plurilingüe de Covas

 ESCENA 3

Narrador: Ratígoras esperta despois do trompazo dentro da urna. O bibliobús seguiu o seu camiño pero  Leo Leo xa non está!!! No seu lugar hai hai un paxaro azul moi raro.

Ratígoras: Vaia golpe levei!!! ohhh! (mira a Lolo sorprendido e apampado polo golpe). Onde estou? Pero ti quen es?

Lolo: Son Lolo, a mascota da Bibliocovas, benvido á miña casa! Como me gusta ter visitas!

Ratígoras: Eu son Ratígoras. E viaxo no Bibliobús por todas a biblios molonas,

Lolo: Pero entón que fas metido nunha urna? Sae de aí, que che ensino a miña casa. A ver como te poido sacar de aí. (Lolo ponse pensativo)

Ratígoras: Xa sei! Coa miña corda máxica! Agarda que a teño na mochila (Saca a corda da mochila e lánzalla a Lolo) Agárraa, Lolo!

Narrador: Lolo tira con forza e saca a Ratígoras da urna.

Lolo e Ratígoras: Ah! (berrando)

Lolo: Por fin! Mira, ven, que che ensino a miña casa.

Narrador: O rato e o paxaro pasean amigablemente pola Bibliocovas charlando. Despois da visita, regresan ao bibliobús.

Lolo: Foi marabillosa a túa visita. É unha mágoa que non te poidas quedar máis tempo (di  con pena). En serio que te vas a meter de novo nesa urna? (di estrañado)

Ratígoras: Encántame a miña urna: é o meu fogar. Que gañas tiña de volver a estar aquí (di encantado meténdose dentro)! Moitas grazas, Lolo!! Repetirei a visita noutra ocasión!! (dío canso, pero feliz)

Lolo: Aquí te agardo coas ás abertas!!! 

Narrador: Ratígoras cae rendido na súa urna, o bibliobús arrinca e a viaxe segue o seu camiño.

Fin da escena

Ratígoras no CEIP do Vicedo

 CEIP O VICEDO ( 22 ao 29 de Outubro)

 

ESCENA 2

Cando as luces do Bibliobús se apagan Ratígoras queda sumido nun profundo sono. Tras unha longa viaxe o Bibliobús chega ao Vicedo. Daquela entra en escena Leo-Leo, a mascota do cole do Vicedo, interesado en coller un libro daquel bibliobús. Alí atópase con Ratígoras durmindo placidamente dentro da súa urna.

Leo-Leo (sorprendido): Por todas as miñas plumas! Hai un rato durmindo nunha furna!! Que biblioteca máis rara! Vouno espertar, a ver que fai aquí.

Ratígoras continúa roncando e o bufiño golpea a urna co fin de despertar ao rato.

Leo-Leo: Oes, rapaz? Estás ben? Quen te encerrou nesa urna?

Ratígoras (abraiado): Quen, eu? Ratígoras? Encerrado nunha urna? Eu son libre coma o vento! E ti quen es?

Leo-Leo -que non ententía nada do que alí estaba acontecendo-  díxolle:

Leo-Leo: Eu son Leo-Leo, a mascota da biblio do Vicedo e se dis que es libre coma o vento, bótate cinco pasos para adiante e vénme saudar.

Sen esperar un intre Ratígoras avanza e pega de fuciños contra a urna.

Ratígoras (asustado mira cara o público e exclama): Leo-Leo estaba no certo, estou atrapado nesta urna!!!

Fin da escena

Ratígoras na EOI de Viveiro

O BIBLIOBÚS PERCORRE A MARIÑA

Persoaxes:

• Ratígoras

Escena 1: Un bibliobús iluminado. No fondo, estanterías repletas de libros. Ratígoras está en no centro do escenario encerrado nunha furna acristalada, mirando ao seu redor con admiración.

(Ratígoras asómase ao público dentro do posible, xa que está dentro dunha furna acristalada, cunha expresión de asombro.)

Ratígoras:
Oh! Rosae sunt pulchrae in horto.
(Acompaña as súas palabras con xestos poéticos.)
A, a, am, ae, ae, a, ae, ae, as, arum, is, is.

(Lévase a man ao peito, suspirando con nostalxia.)

Ratígoras:
Oh!
(Voz en off)
Viele Jahre, molti anni, beaucoup d’annés, many years, muitos anos, ah!
(Suspira profundamente)
Cantos séculos de sabiduría e intelixencia! (Comeza a camiñar polo escenario, disfrutando do ambiente.)
E aquí estou só pero moi ben acompañado, (nota a soidade pero anímase) neste lugar tan inmaculado!
Viaxar neste bibliobús apórtame máis e máis luz!

(Pausa dramática. Detense no medio do escenario, mirando ao público con intensidade.)

Ratígoras:
Non…
(Con firmeza)
eu non son coma eses pailáns
(gesto despectivo)
que son un mar de coñecementos cun centímetro de profundidade!
(Achégase ao borde do escenario, retador.)
Quen sabe o que andan argallando…!
(Con voz potente, gritando)
Que veñan, que veñan que non lles teño medo!

(Quédase nunha postura desafiante, mirando ao público, mentras as luces se atenúan lentamente.)

Fin da escea.

O bibliobús percorre a Mariña

Aquí vos presentamos o traballo colaborativo que vamos a comezar a rular de centro en centro! O bibliobús de Ratígoras! Pequenas historias de teatro de monicreques que van rulando dun centro a outro por toda a Mariña. O persoaxe central é un rato de biblioteca chamado Ratígoras e vive nun bibliobús, dentro dunha furna de cristal. 

Ratígoras ten unha personalizade un tanto especial e vai a coñecer no seu viaxe pola Mariña a moitos e moitas compañeiros novos! 

Iredes vendo semana a semana a onde viaxa Ratígoras e qué historias lle van acontecendo!

Ratígoras

A biblioteca escolar, a escena!

O xoves, 3 de Outubro, reunímonos integrantes da Microrrede A Mariña para dar comezo a un novo proxecto, sendo este o décimo terceiro.

 
A reunión realizada de forma presencial, realizouse en primeiro lugar para facer unha achega aos novos e novas integrantes, así como guiar o proceso de construción do novo proxecto.
O obxectivo central desta nova edición é aportar dinamismo e potenciar o lema do 2024-2025 das bibliotecas escolares: unha biblioteca escolar, a escena!. Poñendo así o foco en todas as posiblidades que nos ofrece o teatro tanto no disfrute do lector como na aprendizaxe curricular en todas as etapas educativas.
Así pois, este curso, o obxectivo da microrrede é poñer en valor o teatro, destacando su valor educativo y creativo. O teatro permite fomentar a imaxinación, a lectura, a empatía e as habilidades sociais, además de ofrecer un enfoque inclusivo e colaborativo. Cada centro realizará un traballo individual de centro adaptado á súa realidade e participará nun proxecto colaborativo que culminará, coma sempre, na exposición final no mes de Maio.  

Así, unha biblioteca convertase nun espacio central de creación e aprendizaje, acompañando ao alumnado, a cultura e ao desenvolvemento de competencias esenciais dun xeito dinámico e participativo.

Acordamos tamén o formato de presentación da exposición conxunta, as datas da mesma e de outras tarefas internas que se incluirán dentro do proxecto.
Este trimestre teremos máis reunións, na que actualizaremos o proceso de creación e ultimaremos todos os detalles polo miúdo.
Moito ánimo e saúde!

Clausura da 13ª exposición 2024

Clausuramos esta décimo terceira edición da Microrrede coa Coral Polifónica Alborada de Viveiro e alumnado do CEIP de Celeiro. 

Aquí deixamos acceso ás fotos e vídeos das actuacións das corais. Grazas infinitas Marta!!!!!

Vaia clausura! Moitísimas grazas a todxs por acompañarnos e colaborar coa Microrrede! Ata o ano que ven.

Obradoiro para nenos por Abraham Carreiro

Para rematar a semana, hoxe tivemos a sorte de contar cun obradoiro para nenos a cargo de Abraham Carreiro, redactor da revista o Papagaio. Grazas a Africa Copias Viveiro e a Lucas Requejo por facilitarnos as cousas.

Por aquí deixamos algunhas fotografías dos momentos compartidos e uns vídeos.

Lecturas compartidas - IES Vilar Ponte

Lecturas compartidas, un programa cargadiño, realizado polo alumnado do IES Vilar Ponte. Agradecer o traballo do alumnado de 2°, 3° e 4° de ESO. Tamén o das compañeiras: a profesora de música Eva Marcilla, Ángela Alonso, coordinadora da biblioteca do IES Vilar Ponte e o Equipo de biblioteca da mesma.

Aquí tedes algunhas fotos do momento.

Cómic colaborativo - SuperMariña e Martiño

Aquí temos a versión dixitalizada do cómic colaborativo feito entre as 20 escolas. Todo un reto. O conto foi pasado cada semana por un centro para ir avanzando nas aventuras de Mariña e Martiño.

SuperMariña e Martiño

    Dispoñible tamén: 

Obradoiro de creación de banda deseñada.

Brais Fierro Fuentes foi o encargado de darnos os recursos sobre cómo facer unha historia en viñetas.

A microrrede no Progreso de hoxe

 Falan de nós na prensa.

Inauguración da exposición "13, rue da Microrrede - A Mariña homenaxea a Ibañez"

Hoxe, martes 7 da maio, chegou a gran día. Inauguramos a nosa exposición anual da Microrrede de Bibliotecas Escolares da Mariña. "13, rue da Microrrede - A Mariña homenaxea a Ibañez"

As obras que aí se presentan brinda unha pequena homenaxe a Ibañez, humorista gráfico creador de Mortadelo e Filemón ademais dunha banda deseñada colaborativa feita entre 23 centros escolares.

Acompanáronnos no acto de inauguración Dª Lara Fernández Fernández, Concelleira de Cultura do Concello de Viveiro,  Dª Pilar Teijeiro Díaz, coordinadora dos Equipos de Dinamización, María Bustelo Miguéns do Servicio territorial de Inspección educativa de Lugo e dende a Asesoría de Bibliotecas Escolares, Dª Beatriz González Blanco, asesora da Zona Norte así como representantes dos equipos directivos dos centros educativos participantes e as coordinadoras/es dos proxectos. 

A nosa compañeira Ana Díaz Portela, coordinadora da biblioteca da EOI Luz Pozo Garza de Viveiro tomou a palabra en nome da Microrrede  :

"Este curso a proposta dende a Asesoría foi “A BIBLIOTECA ESCOLAR EN VIÑETAS” e o proxecto que presentamos aquí as 20 bibliotecas escolares da Microrrede leva por título “13 Rúa da Microrrede: A Mariña homenaxea a Ibáñez”.  Non foi difícil a elección da microrrede, que sempre se guía polas pautas marcadas pola Asesoría. Levamos anos disfrutando de novos lectores grazas á literatura da imaxe: vemos como ano tras ano crecen os clubes de lectura grazas ao manga, ao anime, ás viñetas. Sen dúbida, era un tema, ao que lle podíamos sacar partido dentro das nosas propostas de centro, pero, como podíamos facelo atractivo para as familias?, como podía ser algo, no que todos disfrutaran do proceso de creación. 

Non había dúbidas, escoller a Ibáñez, como homenaxeado débese a que a súa obra trascende xeracións, cautivando tanto a nenos como a adultos. As súas viñetas son unha ponte entre mundos, onde a inocencia da infancia se encontra coa astucia e o humor da vida adulta. Ibáñez logra crear universos que encantan aos máis novos cos seus enganosos personaxes e situacións cómicas, mentres que as familias atopan nas súas historietas un reflexo das súas propias experiencias e unha escapatoria á realidade. O seu legado perdura como un testemuño do poder unificador do humor, capaz de entreter e conectar a persoas de todas as idades e antecedentes."

O coro do CEP Lois Tobío actuou representando a obra "Tiempo" do compositor vasco Josu Elbertín. Rebeca Palmeiro, narradora, e Iván Vale, director do coro, fixeron un excelente traballo cos nenos/as. Un espectáculo fermosísimo!!!

Para rematar esta décimo terceira edición, os coordinadores das bibliotecas escolares recibiron un obradoiro de creación de banda deseñada da man da artista Uxía Larrosa.

Accede ao álbum de fotos AQUÍ.

As bibliotecas homenaxean a Francisco Ibañez

 

Nesta décimo terceira edición da exposición da Microrrede adicada este ano ao 13 rue del Percebe de Ibañez, recreamos un immeuble enteiro de vivendas cos seus protagonistas: a porteira, Filemón, o Profesor Bacterio, Super, Rompetechos, Otilio, Chicha, Mortadelo, O ladrón do terceiro, Tato, Don Hurón que vive na alcantarilla, Os trillizos, a ancia amante dos animais, Gafelete, o moroso que vive na buhardilla, o tendeiro, a familia Trapisonda, Ofelia e Sacarino.

Aquí tedes acceso ao albúm de fotos da exposición.

Convite: A Microrrede homenaxea a Ibáñez

Damos a coñecer o programa da nosa exposición anual que leva por título este curso "A Microrrede homenaxea a Ibáñez".

A exposición conta con 20 cadros, un por cada biblioteca da Microrrede, e dun cómic artístico colaborativo. Poderá verse no salón multiusos do Concello de Viveiro de 18h a 20h do 7 ao 10 de maio.

As obras que aí se presentan plasman a alma dos proxectos de centro. Novamente será a mestura de estilos tanto narrativos como artísticos e de moita creatividade.

PROGRAMA