Inauguración da Exposición

A INAUGURACIÓN

Foi un acto entrañable no que participaron as comunidades educativas dos centros; fixo de mestre de ceremonias Carmen Ferreiro Maseda, coordinadora da biblioteca da EEI San Roque; ademais contamos coa presencia de Marta Coria e Pilar Sampedro, asesoras das Bibliotecas Escolares a nivel da provincia de Lugo e da Consellería de Educación.

Moitas grazas polo voso apoio, as vosas palabras son un pulo importante para o traballo que se está a realizar nas Bibliotecas dos Centros. 

As exposicións do proxecto nas bibliotecas escolares

CEIP ANTONIO PEDROSA LATAS. CELEIRO

EEI SAN ROQUE. VIVEIRO

Preparando a gran exposición

Estamos a preparar a gran exposición conxunta cos traballos dos centros participanntes, será na Sala de Exposicións do Concello de Viveiro e estará aberta do 25 de abril ao 2 de maio.

Preparamos o seguinte programa:

 

“DE ONTE A HOXE: lembrando o pasado”

Ten como obxectivos a recuperación da literatura infantil como fonte de pracer, fomentar hábitos de lectura, recuperación e lembranza dos libros que forman parte da memoria das familias 

Por iso enviámosvos un folio para que, co membro da familia que decidades, recorde co neno/a os contos que lía de pequeno, cal era o seu favorito e logo faredes:

· Na esquerda cubrides os datos que se vos pide.
· Na dereita unha pequena obra plástica libre (exemplos: fotocopia da portada do libro, debuxo dos personaxes, fabricar o zapato da Cincenta e pégalo,…)

Moito ánimo!!!

Cos traballos realizados faremos primeiramente unha exposición en cada colexio participante e logo unha exposición conxunta.

Xa vos iremos informando.

Inicio dun novo proxecto

As Bibliotecas Escolares que formamos parte do PLAMBE (Plan de Mellora de Bibliotecas Escolares) dos Concellos de Viveiro, Xove e Cervo:

EEI SAN ROQUE (Viveiro)

CEP LOIS TOBÍO (Viveiro)

CEIP  PEDROSA LATAS (Celeiro-Viveiro)

CEIP de COVAS (Covas-Viveiro)

CEIP PEDRO ROLLÁN CASELLES (Xove)

IES MARÍA SARMIENTO (Viveiro)

IES VILAR PONTE (Viveiro)

Damos comezo  un proxecto  que nace á volta das XORNADAS DE BIBLIOTECAS ESCOLARES DE GALICIA do ano 2011.  

Con ánimos renovados e moitas ansias de ampliar o ámbito das nosas actuacións, imos facer unha primeira proposta de traballo colaborativo; pensando e intentando que resulte un éxito para poder darlle forma á creación dunha microrrede de bibliotecas escolares.

Para esta primeira convocatoria pensamos  en recuperar a memoria familiar sobre aquel libro que, por unha ou outra razón, deixara pegada en alguén da familia. 

"De onte a hoxe... lembrando o pasado"